వలపుల సొలపుల వసంత వేళ ఇది --అన్నమాచార్య సంకీర్తనలు

వలపుల సొలపుల వసంత వేళ ఇది

సెలవి నవ్వకువే, చెమరించీ మేను ||

శిరసు వంచకువే సిగ్గులు వడకువే

పరగ నిన్నతడూ తప్పక జూచేని |

విరులు దులుపకువే వెసఁ దప్పించుకోకువే

సిరులనీ విభుడిట్టే సేసవేట్టీనీ || 

చెయ్యెత్తి యోడ్డుకొకువే చేరి యాన పెట్టకువే

చాయల నాతడు నీ చన్నులంటీని |

ఆయములు దాచకువే అట్టే వెరగందకువే

మోయనాడి సరసము మోహన నీ విభుడు ||

పెనగులాడకువే బిగువు చూపకువే

ఘన శ్రీ వేంకటేశుడు కౌగిలించీని |

అనుమానించకువే అలమేలు మంగవు నీవు

చనవిచ్చి నిన్ను నేలే సమ్మతించీ ఆతడు ||

స్పీకర్లు ఆన్ చేసుకోండి..





Download Link