అన్నమాచార్య సంకీర్తనలు---చిన్ని శిశువు

శ్రీ తాళ్ళపాక అన్నమాచార్యులు రచించిన చిన్ని శిశువు అనే సంకీర్తనను ఇక్కడ పోస్ట్ చేస్తున్నాను. ఈ పాట ను క్రింద ఉన్న వీడియోలో వింటూ చదువుకోవచ్చు......

 

చిన్ని శిశువు చిన్ని శిశువు
ఎన్నడు చూడమమ్మ ఇటువంటి శిశువు॥

తోయంపు కురులతోడ తూగేటిశిరసు, చింత
కాయలవంటి జడలా గములతోడ
మ్రోయుచున్న కనకపు మువ్వల పాదాలతోడ
పాయక  యశోద వెంట పారాడు శిశువు॥

ముద్దుల వ్రేళ్ళతోడ మొరవంక యుంగరాల
నిద్దపు చేతుల పైడి బొద్దుల తోడ
అద్దపు చెక్కులతోడ అప్పలప్పలనినంత
గద్దించి యశోదమేను కౌగిలించు శిశువు॥

బలుపైన పొట్ట మీది పాల చారలతోడ
నులివేడి వెన్నతిన్న నోరితోడ

చలగి నేడిదే వచ్చి శ్రీ వేంకటాద్రిపై
నిలిచి లోకములెల్ల నిలిపిన శిశువు॥