May 13, 2012

మిక్కిలి నేర్పరి అలమేలుమంగ -- అన్నమాచార్య సంకీర్తనలు




Download (G Balakrishna Prasad)


మిక్కిలి నేర్పరి అలమేలుమంగ |

 అక్కర దీరిచి పతినలమేలుమంగ ||


కన్నులనె నవ్వునవ్వి కాంతుని త ప్పక చూచి

మిన్నక మాటాడీనలమేలుమంగ |

సన్నలనె యాస రేచి జంకెన బొమ్మలు వంచి

అన్నువతో కొసరీని యలమేలుమంగ ||


సారెకు చెక్కులు నొక్కి సరుసనె కూచుండి

మేరలు మీరీ నలమేలుమంగ |

గారవించి విభునికి కప్పురవిడెమిచ్చి

హారతులె త్తీనదె అలమేలుమంగ ||

ఇచ్చకాలు సేసి సేసి యిక్కువలంటి యంటి

మెచ్చీనతని నలమేలుమంగ |

చెచ్చెర కౌఁగిటఁ గూడి శ్రీ వేంకటేశ్వరుని

అచ్చముగానురమెక్కీ నలమేలుమంగ ||


No comments:

Post a Comment

Related Posts Plugin for WordPress, Blogger...