క్యాలండర్‍లపై దేవుడి బొమ్మలు అవసరమా ?

ముందుమాట:  ఈ పోస్ట్ ఎవ్వరినీ ఉద్దేశించినది కాదు.

   మన ఇంట్లో మామూలుగా అనేక రకాలైన దేవుని క్యాలండర్లు ఉంటూ ఉంటాయి. కొత్త సంవత్సరం వచ్చిందంటే చాలు చిన్న చిన్న కొట్ల నుంచి పెద్దపెద్ద కంపెనీలు వరకూ వారి  వ్యాపారాభివృర్ధి కోసం క్యాలండర్లు ముద్రించి తమ కష్టమర్లకు ఇవ్వడం సహజం. వీటిలో ఎక్కువగా దేవుడి బొమ్మలు (ఏ దేవుడైనా ఒక మతం అని కాదు) ఉంటాయి. దేవుడు బొమ్మలు ఉండే వాటినే ప్రజలు సైతం అభిమానించడం సహజం. కానీ ఇక్కడ సమస్య ఏంటంటే ఆ సంవత్సరం తరువాత ఆ క్యాలండర్ ని ఏం చేస్తున్నాం అని.....?

కొందరైతే దేవున్ని పారివేయలేక అలానే ఇంట్లో ఒకపక్కన ఉంచుకుంటున్నారు. మరికొందరు చెత్తలో పారేస్తున్నారు...మరి ఇన్నాళ్ళు అంత భక్తిగా చూసుకున్న ఆ క్యాలండర్ ను అలా పారేయడం భావ్యమేనంటారా ?

ఒక్కసారి మనసుతో ఆలోచించండి...

నా సలహా మాత్రం మీకు కావాలంటే  ఒక దేవుడి ఫోటో కొనుక్కొని ఇంట్లో తగిలించుకోండి.....క్యాలండర్ ను క్యాలండర్ లాగానే వాడడండి....ఎవరైనా అలాంటి క్యాలండర్లు ఇవ్వబోయినా వద్దని చెప్పడానికి ప్రయత్నించండి..