November 30, 2011

మనశ్శాంతి కోసం ఇది చదువుకోండి -- కాలభైరవాష్టకం




కాలభైరవాష్టకం


దేవరాజ సేవ్యమాన పావనాంఘ్రి పంకజం 
వ్యాళయఙ్ఞ సూత్రమిందు శేఖరం కృపాకరమ్ |
నారదాది యోగిబృంద వందితం దిగంబరం
కాశికాపురాధినాథ కాలభైరవం భజే || 1 ||



భానుకోటి భాస్వరం భవబ్ధితారకం పరం 
నీలకంఠ మీప్సితార్ధ దాయకం త్రిలోచనమ్ |
కాలకాల మంబుజాక్ష మస్తశూన్య మక్షరం
కాశికాపురాధినాథ కాలభైరవం భజే || 2 ||


శూలటంక పాశదండ పాణిమాది కారణం 
శ్యామకాయ మాదిదేవ మక్షరం నిరామయమ్ |
భీమవిక్రమం ప్రభుం విచిత్ర తాండవ ప్రియం
కాశికాపురాధినాథ కాలభైరవం భజే || 3 ||


భుక్తి ముక్తి దాయకం ప్రశస్తచారు విగ్రహం 
భక్తవత్సలం స్థిరం సమస్తలోక విగ్రహమ్ |
నిక్వణన్-మనోఙ్ఞ హేమ కింకిణీ లసత్కటిం
కాశికాపురాధినాథ కాలభైరవం భజే || 4 ||


ధర్మసేతు పాలకం త్వధర్మమార్గ నాశకం 
కర్మపాశ మోచకం సుశర్మ దాయకం విభుమ్ |
స్వర్ణవర్ణ కేశపాశ శొభితాంగ నిర్మలం
కాశికాపురాధినాథ కాలభైరవం భజే || 5 ||


రత్న పాదుకా ప్రభాభిరామ పాదయుగ్మకం 
నిత్య మద్వితీయ మిష్ట దైవతం నిరంజనమ్ |
మృత్యుదర్ప నాశనం కరాళదంష్ట్ర భూషణం
కాశికాపురాధినాథ కాలభైరవం భజే || 6 ||


అట్టహాస భిన్న పద్మజాండకోశ సంతతిం 
దృష్టిపాత నష్టపాప జాలముగ్ర శాసనమ్ |
అష్టసిద్ధి దాయకం కపాలమాలికా ధరం
కాశికాపురాధినాథ కాలభైరవం భజే || 7 ||


భూతసంఘ నాయకం విశాలకీర్తి దాయకం 
కాశివాసి లోక పుణ్యపాప శోధకం విభుమ్ |
నీతిమార్గ కోవిదం పురాతనం జగత్పతిం
కాశికాపురాధినాథ కాలభైరవం భజే || 8 ||


కాలభైరవాష్టకం పఠంతి యే మనోహరం 
ఙ్ఞానముక్తి సాధకం విచిత్ర పుణ్య వర్ధనమ్ |
శోకమోహ లోభదైన్య కోపతాప నాశనం
తే ప్రయాంతి కాలభైరవాంఘ్రి సన్నిధిం ధ్రువమ్ ||


-ఫలం : మనశ్శాంతి, అధ్యాత్మిక జ్ఞానం……



ఇక్కడ వినండి:






1 comment:

  1. Wanted to take this opportunity to let you know that I read your blog posts on a regular basis. Your writing style is impressive, keep it up! Read Southeast facing house vastu tips by our vastu consultant.

    ReplyDelete

Related Posts Plugin for WordPress, Blogger...