May 12, 2012

చదివి బతుకరో సర్వజనులు -- అన్నమాచార్య సంకీర్తనలు




Download (G. BalaKrishna Prasad)



చదివి బతుకరో సర్వజనులు మీరు 
కదిసి నారాయణాష్టాక్షర మిదియే ||


సాధించి మున్నుశుకుడు చదివినట్టిచదువు 
వేదవ్యాసులు చదివిన చదువు |
ఆదికాలపు వైష్ణవులందరి నోటి చదువు
గాదిలి నారాయణాష్టాక్షర మిదియే ||


సతతము మునులెల్ల చదివినట్టిచదువు 
వెత దీర బ్రహ్మ చదివిన చదువు |
జతనమై ప్రహ్లాదుడు చదివినట్టి చదువు 
గతిగా నారాయణాష్టాక్షర మిదియే  ||

చలపట్టి దేవతులు చదివినట్టిచదువు 
వెలయా విప్రు లు చదివేటి చదువు |
పలుమారు శ్రీ వేంకటపతి నామమై
భువి కలుగు నారాయణాష్టాక్షర మిదియే  ||





No comments:

Post a Comment

Related Posts Plugin for WordPress, Blogger...