దేవుడొక్కడే మఱి జీవులు వేరు -- అన్నమాచార్య సంకీర్తనలు

రాగం: బౌళి

కీర్తన: 334 ; రేకు : 59 

Volume: 15 (ఆధ్యాత్మ సంకీర్తనలు)

Page no: 225
 

Download

దేవుడొక్కడే  మఱి జీవులు వేరు

వావాత తెలిసేది వారి వారి భాగ్యము  ||

పొడమినవారికి పోయినవారికి 

గడియలొక్కటే వారిగతులు వేరు |

బడి పుణ్యములు సేయ పాపములు సేయగ

కడగి కాల మెక్కటే కర్మములేవేరు ||

కాకములు సంచరించె కలహంసలు తిరిగె

ఆకాశమెక్కటే విహారాలు వేరు |

మేకొని యెండలు  కాయ మించి చీకటులు రాయ

లోకపు బయలొక్కటే జోకలే వేరు ||

అట్టే ఏలే రాజులకు నడిగేటి దీనులకు 

పట్టి భూమి ఒక్కటే బాగులు వేరు  |

గుట్టున శ్రీ వేంకటేశు గొలువగ దలచగ

నెట్టిన దేహమెక్కటే నేరుపులే వేరు  ||

గమనిక:  నాకు Internet లో లిరిక్స్,ఆడియో కనపడని అన్నమయ్య  సంకీర్తనలను అందించాలని చిన్ని ప్రయత్నం... వీటిని నేనే టైప్ చేసాను కనుక అక్షరదోషాలు ఉంటే క్షమించి తెలియజేయగలరు...