సుగ్రీవ నారసింహుని చూడరో వాడె -- అన్నమాచార్య సంకీర్తనలు

రాగం: పాడి

సంకీర్తన-146

volume-4

PageNo-98

ఆధ్యాత్మిక సంకీర్తనలు

Download (GVN Anil Kumar)

సుగ్రీవ నారసింహుని చూడరో వాడె

అగ్రపూజ గొన్నవాడు ఆది సింహము ||

దేవతలు జయవెట్టి దివినుండి పొగడగ

దేవులతో కూడున్నాడు దివ్యసింహము |

భావింప నెట్టనెదుట ప్రహ్లాదుడుండగాను

వేవేలు నవ్వులు నవ్వీ విజయసింహము ||

అసురలను గెలిచి అదె సింహాసనముపై

వెస గొలువున్నాడు వీరసింహము |

పసిడి వర్ణముతోడ బహుదివ్యాయిధాలతో

దెసల వెలుగొందీని ధీరసింహము ||

నానాభరణాలు వెట్టీ నమ్మిన దాసుల నెల్ల

ఆనుకొని రక్షించీ ప్రత్యక్షసింహము |

పూని శ్రీ వేంకటాద్రిని బుదులెల్లా కొలువగా

నానా వరములొసని మానవ సింహము ||

గమనిక:  నాకు Internet లో లిరిక్స్,ఆడియో కనపడని అన్నమయ్య  సంకీర్తనలను అందించాలని చిన్ని ప్రయత్నం... వీటిని నేనే టైప్ చేసాను కనుక అక్షరదోషాలు ఉంటే క్షమించి తెలియజేయగలరు...