మన కంటూ ఏమీ కొత్త ఆలోచనా విధానాలు ఏమీ ఉండవా?

మన కంటూ ఏమీ కొత్త ఆలోచనా విధానాలు ఏమీ ఉండవా? ఎప్పుడూ ఒకర్ని గుడ్డిగా ఫాలో అయిపోతుంటాం ఎందుకని ?

     ఫలానా వాళ్ళ అబ్బాయి డాక్టర్ అయ్యాడు లేదా ఇంజనీర్ అయ్యాడు, క్లాసులో పస్ట్ వచ్చాడు నువ్వు అలానే కావాలని అమ్మానాన్నలు చెప్తూఉంటారు. దాదాపూ మనమూ అంతే అలానే ఆలోచిస్తాం. 

వాడు ఆపని చేసాడా? నేను చెయ్యలేనా ఏంటి.. అనుకుంటూ, మన సమయాన్ని సైతం వృధా చేసుకోని మరీ అదేపని చేసి చూపిస్తాం. అసలు మీరు చెయ్యలేరని ఎవరైనా అన్నారా? . ఏమి మీరు వాళ్ళు చేసిన పనే, అలాగే  ఎందుకు చెయ్యాలి? మనం కొత్తగా ఎందుకు ప్రయత్నించకూడదు ? అని ఎప్పుడైనా ఆలోచిస్తున్నామా? 

     ఒకర్ని ఆదర్శంగా తీసుకోవడం మంచిదే కానీ వారిలాగానే చెయ్యాలి అని చెప్పి వారినే అనుకరించడం మాత్రం దండగ..

ఉదా: ఎక్కువగా కధలు చదివే వాళ్ళకు కధలు రాయాలి అని అనిపించడం లాంటివి అన్నమాట...

      మనుషులలో నేను గమనించిన మరో విషయం ఏంటంటే  ఎదుటివారి నుంచి చెప్పించుకోవడం అంటే మహా చిరాకు.. వీడేంది నాకు చెప్పేది నాకు తెలియదా ఏంటీ?  (ఇగో ఫీలింగ్ అన్నమాట), తనకు తెలియనిది తెలియదు అని ఒప్పుకోవడానికి అస్సలు ఒప్పుకోరెందుకో....

ఎవరైనా ఈ విషయం నీకు జీవితంలో ఉపయోగపడుతుంది అని చెప్తుంటే వినరు..నాకు ఇప్పుడది  అవసరం లేదు ఆ విషయం తెలుసుకోని నేనేం చేస్తా? అంటారు.. కానీ ఇంకొన్నాళ్ళకు అదే విషయం అవసరమైనప్పుడు తంటాలు పడి మరీ నేర్చుకుంటూ నాకు చెప్పేవాళ్ళు లేక పొయ్యారు అని బాధపడుతుంటారు...అంతే కానీ అప్పుడు అతను చెప్పినపుడు ఎందుకు వినలేదా అని మాత్రం బాధపడరు.... జీవితంలో ఇలా ఉండకూడదు ఇలా ఉండాలి అని ఎవరైనా చెప్తే .. అబ్బో వీడికే  ఉందిలే బోడి లైఫ్ అంటారు..

కానీ ఏం చేస్తాం అందరూ  మనలాగే ఆలోచించాలనీ రూలేమీ లేదు కాబట్టీ మనం ఏమీ చెయ్యలేం.

చివరగా ఒక్కమాట  ప్రతి మనిషిలోనూ కొన్ని ప్రత్యేకమైన నైపుణ్యాలు  ఉంటాయి.. ముందు అని ఏమిటో తెలుసుకొని ఆ రకంగా ముందుకు వెళ్తే జీవితంలో ఉన్నత శిఖరాలకు చేరుకోవచ్చు.....  ఎప్పుడూ ఒకర్ని అనుకరించద్దు.. ఆదర్శంగా తీసుకోండి.....

ఏమైనా తప్పుగా రాస్తే పెద్ద మనసుతో క్షమించగలరు...